JJM scheme launch kora te  Arunachal tu Northeast rajya te first asey

Itanagar, February 22 : Arunachal Pradesh tu Jal Jeevan Mission (JJM) scheme implement kora laga  first northeast rajya olaisey. 

Etu rajya laga ghor ghor te tap connection dibole laga kosis tu recognize hoisey. Aro etu para safa aro suraksit khabole pani pabole dikina rajya laga manu khan laga jibon laga quality improve kuribole laga commitment ke dikhai asey. 

Arunachal laga Chief Minister Pema Khandu para koisey, “ Census laga hisap te, amikhan para etu Jal Jeewan Mission (JJM) scheme implement kora laga 100% saturation hasil kurisey. Ami khan tu Northeast rajya te No. 1 aro pura desh bhitor te no. 10 asey. Amikhan para amikhan ke sob ghor te pani dibole nimitey target set kora tu achieve kurisey. Centre para amikhan laga rajya te 1000 crore funds sanction kurisey aro amikhan laga state exchequer para amikhan laga rajya laga almost sob busti  te safa pani supply dibole nimitey state exchequer para 100 crore opor fund  release kurisey.”

State Public Health Engineering department laga ekjun official para koisey, “Etu rajya tu central government sponsored scheme laga under te 100% saturation hasil kora northeast te first asey aro desh(India) te 10^th asey.