Guwahati, February 22 : Girijananda Chowdhury University (GCU) tu etu announce kuribole bisi garv mehsoos kuri asey ki etu college laga Civil Engineering department laga 8th Semester student Jyotishma Medhi tu India laga utu 360 representive majotey select hoisey kun khan Russia laga Sochi seher te World Youth Fest (WYF) attend kuribole nimitey jabole asey.
Etu event tu March 1 para March 7 tak hobole asey.
Jyotishma tu bisi lamba selection process picheyte WYF attend kuribole select hoisey.
First round te, tai para “Life, Dignity and Justice” laga theme te ekta essay submit kurisey aro second round te ekta video conferencing session thakisey kuntu te tai para bhal para bhabna kurikina tailaga idea aro dimag laga takat dikhaisey.
World Youth Fest tu ekta naam dangor thaka gathering asey kuntu para 20,000 Russian aro international leader khan ke host kuribole asey. Kuntu te pura duniya para children;s organization aro association represent kora teenager khan shamil asey.
Jyotishma tu alag alag field jaiseki business, media, international cooperation, culture science, education, volunteering aro charity, sports aro public life laga activity khan te bisi active para participate korey.
Etu dangor kamyabi para khali Jyotishma laga pora likha te bhal thaka ke ekla recognize kora laga nohoikina tai para duniya laga youth community ke asar kora jaruri mamla ke address kuribole laga commitment thaka tu bi dikhai asey.
Girjananda Chowdhury University para taikey etu dangor kamyabi hasil kora nimitey badhai disey. Aro International stage te India ke represent kora te taikey kamyab hobole wish kurisey.
Add Comment