Guwahati, February 22 : Assam Government para Chief Minister Himanta Biswa Sarma laga leadership under te rajya te 2,29,000 parivar ke matti patta bhak kuribole announce kurisey. Etu Mission Basundhara 2.0 laga under te suru kora initiative laga maksat tu indigeneous community ke matti laga adhikar dibole, taikhan ke samajik- poisa laga mamla te stable hobole dibole aro taikhan majotey garibi hataidikina thaka laga standard barabole nimitey asey.
November 14, 2022 te suru huwa homoi para loikina Mission Basundhara 2.0 tu mati nathaka indigeneous manu aro samaj laga gorib mnau khan tagra banabole nimitey bisi kaam ahisey. Etu program te mati nathaka Scheduled Tribe, Scheduled Caste, Disability thaka manu, kamaikina khilabole kunbi nathaka vidwa(mota murija maiki) aro regular income napa kisaan khan nimitey sosta nohoilebi asaan premium option offer korey.
Mission Basundhara 2.0 laga ekta asli maksat tu purwaj laga zameen dhurikina thaka tribal community khan laga zameen laga adhikar ke secure kuribole laga asey. Etu opor te, etu te zammen laga ownership ke record kora laga facility bi asey kuntu para zameen thaka manu khan ke taikhan laga zameen tu bisi alag alag karon nimitey security(bondhok) nisna cholabole dibo. Aro enaka kurikina taikhan tu credit aro poisa len-den kora service khan bhal para pabo paribo.
Central aro State Ministers, Members of Parliament, Members of Legislative Assemblies aro Chief Executive Members khan para matti lag apatta bhak kora process te sabole asey taki etu kaam tu eku diktar nohoikina smooth para hobo paribo.
Matti patta bhak kora tu rajya(Assam) para samaj te nyay kuribole aro samaj laga sob community ke develop kuribole laga journey te ekta dangor kamyabi hasil kora tu mark kuri asey. Brahmaputra Valley te total 3,02,545 bigha land area aro Barak Valley te 1,214 bigha mati area settle kurikina, government para taikhan laga manu khan laga iccha pura kuribole laga commitment dikhaisey.
Add Comment