February 23, 2024 : Zunheboto district tey DPDB meeting loishey, itu February muhina nimitey, 23rd tey, DC laga Conference Hall tey para. DC & Vice Chairman DPDB Zunheboto – Rahul Bhanudas Mali, IAS para itu meeting tey chair kurishey.
Tai laga welcome address tey, itu Chairman para itu house ke inform kurishey, itu ajikali he khotom hoa laga Olympic games opor tey aru koishey ki Zunheboto District toh hoiley ekdam bhal para khilishey, 9 medal khan jeeti kena aru tai para players khan ke congratulate kurishey, aru itu saath saath tai khan laga coach kuria staff khan ke bhi. Itu pichetey, itu meeting tey jawa muhina laga meeting laga olop kotha khan kurishey, kuntu toh hoiley Zunheboto laga DPO para puri kena hunaishey.
Itu discuss kuria laga homoi khan tey, high rental charges nimitey Multipurpose Hall toh hoiley discuss kurishey, aru itu opor tey aru bhi bhabana aru kotha kuribo koishey, next DPDB meeting tey. Sumi Hoho laga General Secretary – Vihuto para bhi tai laga view khan share kurishey, Zunheboto laga DC ke request kuri kena, sob HoD khan ke itu meeting tey attend kuriboley compulsory banai di kena aru lagi thaka action loboley koishey, itu default kuria officer khan ke itu hisap tey he. Tai para itu bhi suggest kurishey ki, Zunheboto District tey toh hoiley ekta administrative guest house thakiley bhal asey koishey, sob department laga head khan laga convenient karney, alag jaga khan tey para aha khan nimitey.
Add Comment