International

Assam Congress leader Gaurav Gogoi para Jorhat Lok Sabha seat nimitey nomination file kurisey

March 27, 2024

Jorhat, March 26 : Senior Assam Congress leader Gaurav Gogoi para Tuesday (March 26) te, Jorhat Lok Sabha constituency nimitey tailaga nomination submit kurisey.

Assam Congress president, Bhupen Kumar Borah tu Gaurav Gogoi  nomination file kora homoitey tai logotey jaisey. 

Gaurav Gogoi para nomination file kora picheyte koisey, “Etu nomination para Assam laga youth, maiki khan, marginalized, kisan aro sob mehnat kora manu khan laga iccha ke represent kuri asey kun khan rajya te  bodli aro development ahibole dibole bisi mon jai asey.”

Dusra fale, Assam Jatiya Parishad (AJP) leader Lurinjyoti Gogoi paa Dibrugarh Lok Sabha constituency nimitey tailaga nomination paper formally file kurisey, bisi alag alag rajneetik party laga support paikina, aro enaka kurikina tailaga electoral campaign officially suru huwa tu mark kurisey. 

Opposition party, including Congress, CPI-M aro Raijor Dal laga supporter khan para Lurin Jyoti Gogoi para nomination file kuribole ageyte ekta rally organise kurisiley. 

Opposition fale, Bharatiya Janata Party (BJP) laga ekjun senior leader Sarbananda Sonowal aro ekjun Union minister para Assam laga Dibrugarh Lok Sabha constituency nimitey tailaga nomination paper file kurikina election laga arena te gusisey.

Assam te election process suru hoi asey. Aro election process ke nyay aro order hisap te chulibole dibole nimitey etu 3ta phase te bhak hoisey.

First phase tu April 19 te hobole asey kuntu laga official election notification tu March 20 te issue hoisey.

Nomination tu March 27 tak te file hobo lagey etu picheyte March 28 te etu nomination khan laga jaanch hobo aro March 30 tak te nomination withdraw kuribole laga akhri tarik asey.

Second phase ke April 26 te bodli kuridikina notification laga tarik tu March 28 thakijaisey. Nomination paper tu April 4 tak due asey, jaanch tu April 5 tak aro deadline withdraw kora tu April 8 tak. 

Assam election laga akhri phase tu May 7 nimitey schedule hoikina asey, aro notification laga tarik tu April 12 tak set hoijaisey. 

Etu phase nimitey nomination paper tu April 19 tak file hobo lagey, jaanch tu April 20 tak aro withdrawal deadline tu April 22 tak.

Ahibole thaka election te dangor contender khan tu BJP laga  Sarbananda Sonowal, AJP laga Lurinjyoti Gogoi aro Congress party ke represent kora Gaurav Gogoi.