Manoji Bajpayee para acting career laga suruwat te aha juwa kuribole Rs 150 pai thakisey koisey

New Delhi, April 19 : Manoj Bajpayee tu  sobsey bisi izzat pa Bollywood actor khan majotey ekta asey. Tai Bollywood laga first film kurikina 30 years hoijaisey aro nijor laga dum te tai para film industry te tailaga position majboot kurisey. Hoilebi  etu tu tai bisi mushkil jhela picheyte hey hoisey. Manoj tu etya tailaga latest OTT film Silence 2 nimitey news te ahi asey. Tai para recently film industry te tai career suru kora homoitey te starting te acting laga fee komti pa laga kotha kurisiley. Tai para aha juwa kuribole nimitey olop poisa pa laga bi kotha koisey aro etu extra cash pa para etu kuribo utu kuribo koikina plan bana laga bi khulasa kurisey. Manoj Bajpayee para ekta interview te poila laga homoitey aha juwa laga bhara pa tu actor khan nimitey bisi dangor support thakisey koikina share kurisey. Tai para koisey, “Salary tu enebi komti thakisey. Amikhan laga sobsey dangor support tu aha juwa kuribole bhara diya tu thakisey. Amikhan bhara nimitey Rs 150 pai thakisey aro amikhan utu Rs 150 para ki kuribo paribo etu bhabna kurikina plan kuri thakey.” Aro koisey ki actor khan tu ajikali etu bhara napa hoijaisey.  Manjoj para hasikina koisey, “Sadly, etya tu enaka system nathaka hoisey.” Tai para etu bi koisey ki poila te nijor laga car para aha juwa kora actor khan bi fuel nimitey poisa pai thakisey hoilebi etya etu system nathaka hoisey. Manoj para koisey ki tailaga 1994 te release huwa film Bandit Queen nimitey tai Rs 10,000 laga pay cheque paisey. Aro pay pa picheyte tai sobsey poila film laga set te thaka chaiwala aro bread pakora bikri kora wala logotey jaisey. Kilemaney taikhan tu hodai tatey khai thakisey aro hodai  baki terabole thakey.”