Ranbir Kapoor aro Sai Pallavi laga film tu Copyright issue face kurisey

Mumbai, May 21 : Director Nitesh Tiwari laga Ramayana tu etu saal camera roll hobole thik ageyte. Etu film laga shooting tu Mumbai laga Film City te suru hoisey costume khan te chutu mutu bodli anibole diri huwa picheyte. Etu diri tu planning, adjustment aro crucial look(jaruri look) test kora picheyte actor khan nimitey nutun kapra ola nimitey hoisey. Madhu Mantena film para olaija picheyte, production leadership te bodli ana laga bawajut etu project nimitey mushkil jhelibole lagisey. Mantena olaija para suru te, film laga production te ekta bodli anibole laga asey koikina khobor chuli thakisey hoilebi ekta nutun report para janaisey ki Director Nitesh Tiwari para etu film laga shooting ke tabtak rokhaikina rakhibole request kurisey jityatak ekta compensation agreement te nupungchey. Olop din ageyte Nitesh Tiwari laga film Ramayana laga opor te copyright(dusra laga film para nakal kora) laga iljam laga para etu film laga shooting ke  rokhaidisey. Etu film te Ranbir Kapoor tu Lord Rama laga role kuri asey. Aro tailogotey Sunny Deol, Yash aro Sai Pallavi asey. Ekta report para confirm kurisey ki etu film laga shooting tu kanooni mamla resolve huwa aro ekta natija te pungcha picheyte hey suru hobo. Shooting tu rukhijaisey hoilebi etu film laga production company para koisey ki etu movie cancel huwanai.