DC Wokha para officials kan lokot deh meeting lui shae, ULB Election karne

June 20, 2024: Deputy Commissioner Wokha, Ajit Kumar Ranjan, IAS para Urban Local election Bodies election laka Sector Magistrate/ Commanders, Zonal Magistrates/ Officer kan lokot deh meeting ekta lui shae. Meeting tho DC Conference Hall, Wokha deh taki shae, 20^th June 2024 din deh.

Deputy Commissioner para meeting address kura time deh, aha ULB Election karne officers laka roles aro responsibilities kan highlight kuri shae. Voters Information Slips (VIS) laka distribution deh, tai para VIS laka purpose tho electoral roll deh serial number jani bo karne ase kui shae. Aro VIS para vote caste kuri bole authority nadeh kui shae. Tai para voter tho State Election Commission para authorized kura atha identification cards deh ekta produce kuri bo lageh kui shae. Tai para  Sector Magistrate aro Officers keh, VIS tho khali concerned voters kan keh dib oleh ensure kuri b kui shae. VIS distribution tho 21^st June para 22^nd June tak taki bo, taikan laka respective polling station deh.

(DPRO & IA Wokha)