Indonesia para sathjun keh detain kuri shae Pope Francies keh hamla kuri bole plot kura karne

September 8, 2024: Pope Francis, tai etu hapta agae deh, Jakarta deh ahi shae aro enaka time deh satha manu Pope Francis keh hamla kuri bole aim kuri taki shae. Etu terror plot laka connection deh Indonesian police para utu sathjun keh detain kuri di shae. Bishi wak arrest kan tho September 2 aro 3 din deh hui shae, Jakarta deh. Arrest kan tho Bogor, Bekasi, West Sumatra province aro Bangka Belitung Islands province deh b taki shae, media statements laka isap deh. Statements kan tho country laka national police anti-terrorism squad Detachment-88 para ahi shae, The Straits Times para report kuri shae. Pope Francis laka visit tho Dili deh ekta dangor impact taki bole expect ase, church pitor deh ongoing abuse scandals taka time deh b. Friday din deh, Pope Francis para archipelago deh tour alka first leg tho kotom kuri shae. Detachment-88 spokesman Colonel Aswin Siregar para reporters keh investigation tho itia b ongoing ase kui shae aro utu satha detain kura manu tho eki terror cell para ase nah nai, etu tho itia b jani bole baji nah ase kui shae, “Mukan laka hath deh monitor aro filter kuri bole mechanism ase. Mukan public laka members lokot deh information kan tip-off kuri shae,” Colonel Aswin para kui shae. Ekta militant laka ghor deh searches kan conduct kura tho bows, arrows, drone aro ISIS leaflets kan pai shae, ekta source laka isap deh. Arrest kura kun bah manu kan tho ISIS keh allegiance pledge kuri nah taki shae, source para kui shae.