Agencies, 19 November: Israel’s prime minister pora government suspend koribole naparibo, etu pora elections joldi lobole janaise. Etu kotha toh Monday din Benjamin Netanyahu pora janaideya ase. Tai pora etu kotha najanaideya agae deh tai laga education minister, Naftali Bennett pora be Jewish Home Party deh thakibole nahoile nathakibole laga kotha janaidebole thakise. Judi Bennett charise koile government toh keribole ase. Jowah hapta Netanyahu aro Hamas militants majode cease-fire protest kora time deh Bennett logode coalition pora olajabole bhoi khela thakise. Protest time deh Netanyahu’s defense minister, Avigdor Lieberman toh resign hoise. Bennett pora government deh thakibo karni defense portfolio demand kora thakise. Hoilebe Sunday din Netanyahu pora etu ke tai nejor sabo kowah thakise. Netanyahu pora kowah toh, tai laga coalition partners pora mana hesab deh, desh ke bachabo karni keyhoilebe koribo.
Add Comment