Leicester, 24 April : Leicester City laga legend Jamie Vardy announce korise ki tai etu cholta season khotom hote club pora jabo, aru etu pora tai laga 13 saal dhori thaka journey with the Foxes khotom hobo. Itu time te, Englishman 2015/16 saal te dangor Premier League title jiti se.
38 saal laga Vardy, Leicester karone 400 pora besi match khelise aru 181 goal marise. Tai Premier League title chara, FA Cup aru Championship title bhi ek-ekta jiti se. 2015-16 te jitu title-winning season thakise, tai Premier League Player of the Year award paise, aru 2019-2020 season te Golden Boot jiti se, karon tai season laga top goal scorer thakise.
Vardy laga journey, non-league football pora England laga top-level te uthi aha, sob manu jane. Tai striker hissa te club laga itihas te ekdom best player hobo, etu te kunuba doubt nai.
Leicester chairman Aiyawatt Srivaddhanaprabha bhi Vardy laga talent aru club karone diya service ke tarif korise, tai notun jagah te chance lobole faisla lobo laga khobor paise pichite.
Add Comment