MOSCOW:Russian Media khobor kurishe choita bacha aro charta dangor manu murishe. Kunba Russian cities laga ghor khan te jui laga para bacha aro manu khan toh murishe.
News agencies RIA Novosti khobor kurishe ghor te jui laga para teenta toddlers(chutu bacha) murishe. Etu jula ghor toh Bashkortostan laga bosti te hoishe. Bashkortostan toh Ural mountain laga south te ase.
Agency koishe bacha khan toh ghor te ekla rakhi kena thakishe. Bacha khan laga umar toh dui saal aro char saal thakishe.Interfax news agency koishe aji bhi duita bacha ghor te jui laga para murishe. Etu ghatna toh Krasny Kut laga bosti te hoishe. Krasny Kut toh southern Saratov region te ase.Tatarstan laga Emergency Situations Ministry koishe toddler aro duita adults Sunday te ghor jula para murishe. Etu ghatna toh Kazan te hoishe.
RIA Novosti koishe aro ekta ghatna te duita adults aro teenta bacha dormitory te jui jula para jokom hoishe. Etu toh Sunday te Peresvet te hoishe. Peresvet toh Moscow region laga town ase. Russia te jui laga safety rules toh bishi bar violet kure. Etu violation toh corruption laga result ase. Russia te bishi bar officials bribes exchange te building permits grant kuri dae.
March moina te, 64 manu murishe. 64 manu mura te 41 toh bacha thaikishe.Etu ghatna toh shopping centre te jui laga para ase. Etu shopping centre toh Siberian city Kemerovo te ase.
Etu hadsa pichete, local prosecutors para Russia pura laga shopping malls, cultural aro entertainment sites te safety regulations check kuribole order dishe.
Add Comment