2nd Test, Day 4: Josh Hazlewood aro Nathan Lyon India ke dukh tishe

PERTH, AUSTRALIA: Josh Hazlewood aro Nathan Lyon  toita toita wickets loigena Australia pora Perth Test control kori ase. 4^th day din te Australia pora India ke 287 runs target charise. Hoilebi India laga batsman khan jolti jolti out hoijaise aro stumps ke India 112/5 koikena thakise. Aji day 5 khilibole ase. India batsman khan khatara target 287 runs ke kheta time te, top order khan phal pora khilanai. Aro 5 jon batsman out hoijaise. Middle order batsman Hanuman Vihari(24*) aro Rishab Pant(9*) koikena Australia ke konorokom rokhai ase. India pora itia 175 runs jitebo nimete lagi ase. Aro Australia pora 4 wickets.

Australia pora day resume kora time te 132/4 thakise. Usman Khawaja pora 72 runs marikena Australia ke 243 tak ponjaitise.

India nimete, Mohammed Shami pora 6 wickets out korikena, Australia ke 243 all out koritise. Hoilebi India laga batsman khan ito ke modot koribole paranai. India laga opener KL Rahul pise piya khili ase ito series te aro 2^nd inning ke 0 runs ponaikena 1^st over te out hoishe. Cheteshwara Pujara(4), Virat Kholi (17), Murali Vijay (20), Ajinkya Rahane (30) koikena India laga opener khan out hoishe.