Newcomer Ananya Panday, kono toh pohoila “Student of the Year 2” te olaikena acting koribole ase, biswas ase ki film industry othibo juti actors khan majote competition thakise koile.
Ananya, actor Chunkey Pandey laga bacha para koise ki industry te notun talents khan ahiya para toh aalag khan ke aro besi mehened koribole modot koriye.
“Moi competition ke bhal laage aro apuni khan para etu toh film te dekhibo. Competition toh mocha ase. Notun manu khan thakiya para besi mehenad koribole mon othai diye. Hotai samoy industry te notun talent laage,” Ananya para Friday te “Student of the Year 2” laga trailer launch te khobor manu khan ke koise.
Etu film, Punit Malhotra para direct koriya, te Tiger Shroff aro aalag newcomer, Tara Sutaria bi ase. Etu film te St. Teresa College laga students khan laga jeevan dekhai, tate tai khan sob Student of the Year trophy jitibole kosish koriye.
Tara Sutaria para koise, “Moi phabana te competition toh biya nahoi. Etu toh bhal ase. Moi ekdam josh te ase. Moi konoba films dekhise aro apuni para moi khan laga film bi dekhibo.”
Etu film, Karan Johar para tai laga Dharma Productions nijete bona toh, 2012 laga “Student of the Year” laga part 2 ase, etu film te Alia Bhatt, Varun Dhawan aro Sidharth Malhotra pohoila bar acting korise.
“Student of the Year 2” toh pura desh te theatres te May 10 te olaibo.
Add Comment