British stand-up comedian Ian Cognito, kono toh tai laga early 60s te thakise, toh ajanak para Thursday, April 11 te morise. Etu samoy te tai toh England te performance diye thakise, Daily News laga hisab te. Aalag comedians para etu khobor toh social media te confirm korise aro janaise ki Ian moriya para tai laga performance sabole ahiya audience khan asurit laagise. “Audience khan para phabana korise ki etu toh tai laga acting ase koikena. Moriya te bi manu ke haasai se. Etu toh comedy ke pura mon diya ase,” comedian Jimmy Carr para tweet korise.
BBC laga hisab te Ian toh Bicester, England laga The Atic Bar te perform kori thakise, etu samoy te tai aaram kribole buhise. Etu bicchete show laga samoy te tai panch minute karne aaram korise aro audience laga manu khan para phabise ki etu toh tai laga act laga hisa ase — Ian kiri kena ghoma ke tai khan narukhikena haasi se. “Moi khan nijor ke kheen laagise, moi khan tai ke saikena panch minute buhikena thakise, tai ke haasi thakise,” John Ostojak, kono audience te thakise, para BBC ke koise. Kibah galdi ase koikena jaaniya bicchete, ekjun staff member para ambulance maatise, aro aalag employees para CPR koribole kosish korise. Etu samoy te, audience members khan ke etu jakka charikena jabole koise. Ekdam mon bekhaikena, Ian toh jakka te morise koise, etu jakka malik, Ryan Mold, pora CNN ke koise.
Add Comment