Pune, 10 April : Double Olympic medal jeet kora PV Sindhu aru ekjon dangor future thaka player Priyanshu Rajawat Thursday din Badminton Asia Championships laga pre-quarterfinal round te haar kori jabole porise.
29 saal laga Sindhu, juntu world ranking te 17 number te ase, dangor try korile bhi haar khaise Japan laga world number four aru third seed Akane Yamaguchi logot. Mahila laga singles laga itu match ek ghonta aru choy minute tak cholishe, aru score hoise 12-21, 21-16, 16-21.
Rajawat straight games te hari goise — 14-21, 17-21 — Japan laga world number seven aru fifth seed Kodai Naraoka logot men’s singles competition te.
India laga Kiran George bhi men’s singles te haar khaise. Tai Thailand laga world number five aru fifth seed Kunlavut Vitidsarn logot match khele thaka te 21-19, 13-21, 16-21 score te hari jabole porise.
Itiya India laga campaign men’s aru mahila laga singles te khotom hoise.
Kintu mixed doubles te Dhruv Kapila aru Tanisha Crasto laga pair quarterfinal te reach kori goise. Taihkan Chinese Taipei laga Ye Hong Wei aru Nicole Gonzales Chan ke 12-21, 21-16, 21-18 score te haraise.
Kapila aru Crasto laga agola match te Hong Kong laga fifth seed Chun Man Tang aru Ying Suet Tse logot hobo.
Dusra Indian mixed doubles pair Ashith Surya aru Amrutha Pramuthesh China laga top seed Jiang Zhen Bang aru Wei Ya Xin logot 11-21, 14-21 score te haar khaise.
Aji bikal te Hariharan Amsakarunan aru Ruban Kumar Rethinasabapathi men’s doubles te Malaysia laga sixth seeded pair Aaron Chia aru Wooi Yik Soh logot match khelibo.
Add Comment