Florida, 10 April : Indian women’s compound archery team USA te hobo thaka World Cup Stage 1 event miss kuridise karon visa delay, aru itu ekta dangor setback hoise buli national coach Jiwanjot Singh Teja biswas kore.
World No. 1 thaka Indian women’s compound team — jun 2024 te thaka sob 3ta gold medal jitisey — eneka dangor tournament te compete nakuriparile karon tini jon member, world champion Aditi Swami, Madhura Dhamangaonkar aru Taniparthi Chikitha US visa time te napai karone Aurburndale, Florida jabo naparile.
Taikhan laga absence te, Indian men’s compound team — Abhishek Verma, Ojas Deotale aru Rishabh Yadav — thora honor bachaise aru bronze medal jitisey Wednesday din.
Teja, jun 2022 te Dronacharya award paise, Harvinder Singh ke India laga first-ever Paralympic archery medal (bronze) Tokyo 2021 te jitibole guide kurise.
Taike bi lead kurise jitia Harvinder Singh ekta historic gold medal jitise Paris Paralympics 2024 te.
18 saal laga Aditi Swami, jun 2023 te world champion hoise aru tai same saal Asian Games bronze bi jitisey, etiya na thaka ekta dangor blow hoise India laga medal prospects karone individual section te.
Maharashtra laga Madhura Dhamangaonkar, jun 3 saal pichite national team te wapis aaisey, tai laga comeback bi eneka visa problem karone disturb hoigise.
24 saal laga Madhura 2018 te Taipei te hoba Asia Cup te debut kurise, aru 2022 te Medellin World Cup te compete kurise, kintu etiyale bhi international medal jitina.
Telangana laga 19 saal laga Chikitha, jun February te hoba Asia Cup Stage 1 te nijor first international bronze medal jitise Bangkok te, aru 2023 te Tashkent te debut kurise, tai bi stay back kuribo lagise visa issue karone.
India laga three-time World Championship medallist Jyothi Surekha Vennam hobo ekla Indian woman jun compound section te Florida te compete kurise. Tai fifth seed hiseb te qualify kurise.
Teja koi thakise ki Archery Association of India (AAI) visa delay hobo pare buli already predict kurise aru 3 month agote he visa apply kuridise.
Effort aru US embassy logot follow-up aru sports ministry logot bi kaam kurile bi, appointment late aaisey — April 7 din, aru visa issue hoise April 8 te — jitia competition already shuru hoijai thakise.
India originally 23-member team pathaibole thakise — jiman archers, coaches aru support staff milaike.
Repeated delay karone, visa approve hoise only 14 jon karone, baki 9 jon limbo te thakigai.
Ite moddhe, 9 jon te pora 2 jon laga visa reject hoigise, aru baki 7 jon — including 3 jon women compound archers — laga visa April 8 din approve hoise, jitia competition already shuru hoijai thakise. Tai jagah te, India duita recurve archers pathaise — Dhiraj Bommadevara aru Anisha Kumari — jun timely event karone pounche pare, karon taikan laga match ek din pichite thakise
Add Comment