Agencies, 29 November: Sunday te Sports Minister Kiren Rijiju para COVID-19 nemide ketiya dawai thakae Olympic-bound athletes aro support staff te priority debole ase koise.
Rijiju para be postpone howa Tokyo Olympics ahibole sal July 23 to August 8 tak lobole scheduled kora te desh laga besi athletes pothabole bhabona ase koise. Rijiju para Airtel Delhi Half Marathon flagged off bechide koise, “Tokyo Olympics nahoile ke laga dangor event hoilebe preference toh Olympic-bound athletes aro Support staff ke debo kelay koile time-b ound nemite”.
Tai aro koise, “Ami khan laga athletes ke toh preference debo aro health ministry logode kaam korib o. “Ami khan para sob international participants aro organizers para sob mechanisms te importance debole nemide ensure kori kelay koile tai khan laga safety aro security ensure nemide.
Minister para tai toh ahibole moina te besi national aro international events lakae koise kelay koile Olympic qualification events toh lobole howa nemide.
Tai koise, Olympic qualification matches toh hobole ase. Etu para ami etiya besi sporting events toh sob safety measures follow korikena lobo nemide lakae.
Minister koise, National Sports Federations aro IOA ke India te alak alak national aro international event nemide plans olabole koise.Tai koise, “Ami bhabona hisaab te, etu lockdown samai toh kothom hoise, ami khan sporting activities logode suru kori ase. Delhi Half Marathon toh ektum kaam laga international event hoise. Aro support toh Delhi government aro sports ministry para ahai ase. Ami khan etu event aro tusara sporting event nemide pura support kori ase.
Sports minister para be India te international events nemide quarantine rules te relaxed koribole ase koise.
Rijiju koise, “India te olob international events toh lobole ase, ami khan quarantine samai te relax koribole ase hoilebe norms te manikena aro rules beya nakorikena. Ami khan besi facilities debole ase. Judi international players 14 din nemide quarantine korile organizers para events lobole nemide dekthari hobole ase. Kon be nahaibo judi India te 14 din nemide athletes ke quarantine rakhile. E tu para ami khan etu chese te sabo lakibo kelay koile ami khan India te ahibole international athletes aro ami khan laga players ke support koribole paribo nemide.
Tai koise, India para Tokyo Olympics te besi athletes ke pothabo aro etiya tak 100 opor qualified ase.
Add Comment