Agencies, 29 November: Eight tack aro field athletes te Dutee Chand aro KT Irfan be Target Olympic Podium Sheme laga core group te melikena ase. Aro sevent tusara toh TOPS developmental group te melikena ase. Etu khobor toh Sunday te Sports Authority of India (SAI) para janaideya laga ase.
Fesla toh November 26 direk 50th MOC meeting te loise.
TOPS scheme laga part te thaka nine athletes ke toh rakhise. Etu te Neeraj Chopra, Hima Das aro Tajinder Pal Singh Toor be melikena ase. Triple Jumper Arpinder Singh ke toh TOPS scheme para hataideya thakise.
TOPS scheme te thaka athletes khan: Shivpal Singh (Men’s Javelin Throw aro Olympics nemide qualified), Annu Rani (Women’s Javelin Throw), KT Irfan (Men’s 20km walk aro Olympics nemide qualified), Arokia Rajiv (Men’s 400m aro 4x400m relay), Noah Nirmal Tom (Men’s 400m aro 4x400m relay), Alex Anthony (Men’s 400m aro 4x400m relay), MR Poovamma (Women’s 400m aro 4x400m relay) aro Dutee Chand (Women’s 100m and 200m). India para Olympic quota toh 2019 World Championships te Mixed 4x400m relay te paise.
TOPS developmental group te mela seven athletes: Harsh Kumar (Men’s 400m aro 4x400m relay), Veeramani Revathi (Women’s 400m aro 4x400m relay), Vithya R (Women’s 400m aro 4x400m relay), Tejaswin Shankar (Men’s High Jump), Shaili Singh (Women’s Long Jump), Sandra Babu (Women’s Triple Jump) aro Harshita Sehrawat (Women’s Hammer Throw) ase.
TOPS scheme toh sports ministry laga ekta flagship program ase aro etu para desh laga top athletes ke motob debole kosish ase.
SAI website hisaab te, scheme toh etu atheletes laga daiyari te premium melabole shai ase kelay koile tai khan 2020 aro 2024 Olympics te Olympic medals jetibole paribole nemide.
Add Comment