Startup India Nagaland Yatra 2019 deh flagging off ceremony kora bechide Chief Secretary of Nagaland, Temjen Toy, IAS para media logode kotha korishe. Tai para kowah toh etu laga main aim toh young students khan logode hosiyar janaidebole ase. Tai khan logode central government para deya develop entrepreneurship logode assistance aro guidance toh kenaga kori janaideya laga ase. Etu para juna students khan logode nejor para enterprise suru koribo karni hekhai samjaidebole ase.
Tai para be ami khan laga youth ke besi potentiality thaga opor deh kowah toh, tai khan toh ektum intelligent ase aro nejor laga enterprises suru koribo karni qualified ase. Tai para kowah toh, state deh tusara income olabole opai nathakikena salaried economy howah opor deh ami khan laga youth toh khali government jobs deh sai kena thaki.
Tai para kowah toh, ami khan logode talents para ashirbad toh pai kena ase hoile be thek para guidance aro assistance toh napai kena ase. Tai para etu Yatra para ami khan laga youth aro ahhibole laga generation nemide nejor laga enterprises khelibo karni motob pabole biswaas kori ase koise. Tai para be kowah toh, financial limit hoi kena thakise koilebe state government laga side para olob poisa toh motob debo. Tai para be media khan logode state deh jai thaga positive aspects aro developments toh highlight kuribole janaishe.
Media logode kotha kori thaga time deh Commissioner & Secretary, Industries & Commerce, Lithrongla G. Chishi, IAS para kowah toh, Desh laga tusara jaga deh Yatra toh 2016 sal suru howah ase. Tai parea media fraternity khan toh etu programme opor deh janaidebo lagi koise. Kelay koile desh laga tusara jaga dehbe Yatra toh suru hobo karni. Tai para kowah toh, etu programme toh student khan logode junibole laga ase aro juna student khan ke toh institutes para gorom gorom rakhibole ase.
Add Comment