Marach 14, 2024: 13th Marach 2024 deh Phek District Planning & Development Board kan Minister, Power and Parliamentary Affairs aro Chairman DPDB, Phek K.G Keny laka chairmanship pitor deh meeting lui shae DPDB Hall Phek deh. Board para nutun Deputy Commissioner, John TsuliSE Sangtam keh welcome kuri shae district deh.
Outset deh, chairman para Phek District legislators, DPDB laka esteemed members, Phek district laka Chakhesang aro Pochury manu laka nam deh nutun DC Phek, John Tsulise Sangtam keh welcome kuri shae district deh. Chairman para taila kushi aro confidence express kuri shae ekta experienced Administrator district laka affairs sabo leh ase karne.
Advisor for New & Renewal Energy & Nagaland State Disaster Management Authority, Z. Nyusietho Nyuthe para taila short speech deh acknowledge b kuri shae aro taila gratitude b express kuri shae. Tai para Phek laka manu kan fortunate ase kui shae enaka ekta experienced administrator post kura karne,
Phek laka nutun DC, John Tsulise Sangtam para taila speech deh, taila gratitude di shae Government of Nagaland keh. Phek District laka Deputy Commissioner hobo leh dia karne. Tai, Phek deh bua manu laka hath para cooperation mangi shae district laka smooth administration karne.
CPO President, Vezuhu Keyho, kun meeting deh present taki shae, tai para district deh officers laka posting lakeh kui shae aro officer kan taikan laka posting jaka deh regular taki bole lakeh kui nah yat dilai shae. President para newely posted DC keh welcome kuri shae Phek District deh.
Agae deh, nutun DPDB members, ADC Chozuba, Dr. Diana Patton; ADC Pfutsero, Moakumzuk Tsudir; DPO, Atu Vasa aro Principal Government Polytechnic Chetheba, Er. Keduhiwe Kapfo kan taikan laka self-introduction banai shae meeting deh.
Aha meeting laka power point presentative tho department of Art & Culture and Labour & Employment keh entrust krui di shae.
Phek
Add Comment