Fans para SH. Khan jonom din Nov 2 virtually manibo

October 31, 2020. Bollywood superstar Shah Rukh Khan, November 2 darik te 55 umer hoboli ase. Tai para birthday din toh komti te celebrate kori mon etu nemite fans khan ke boila saal neshina ghor bahar te manuh besi jama nakoriboli janaishe. Thousand fans aro followers khan bahar te ahikena tai laga face saboli mon, tai laga ghor Mannat te Badshah para ghor oper te wave kora sai thaki. Etu saal coronavirus bemari nemite, actor para manuh khan ke ghor bahar te besi jama nakoriboli koishe. Twitter te fans khan logot kotha kora samai, user ekta para “Birthday Plan sir? Hotishe, Police para Mannat, Jannat #AskSRK @iamsrk bahar te manuh jama koriboli thibo nai..Badshah koishe ke, “morom para kaun manuh be jama nakoribo. Ami laga birthday hoilebi. Hoilebi tai laga fans club khan para actor laga specia din toh virtual te manibo koishe. Fan club laga member Yash Paryani para Mumabi Mirror logot koishe ke, “etu saal kam sob toh virtually thakibo aro celebration toh bhal te lobo koishe. Fans khan Sunday rati para virtual te live thakibo”.  fan club para aro 5555 Covid-19 kits, masks aro sanitisers thibo aro dhuk manuh ke 5555 khana thibo, orphanages aro old-age ghor te visit koribo. “sob melaikena 5000 fans neshina sob desh para ahikena virtual te manibo,” Yash para janai thishe. Sunday rati beche fan club para birthday celebration party toh Monday 11 AM samai virtual te manibo, aro fans khan para birthday boy logot live session aro kotha kobo. Party te toh photo/selfie booths, games aro SRK quizzes, thakibo koishe.