October 30, 2020: Assam laga film bona manuh aro painter Gauri Barman, Thursday pujur tai ghor Tarun Nagar, Guwahati para morishe koishe. Tai 84 umer ase aro jarikena jaa khan toh maiki aro ghor manuh ase. Tai, Belsar Lower Assam Nalbari district. 1936 saal te jonom paishe. Barman para films directed kora toh Aparajita, Apanjan, Hridayor Proyojon aro Jiban Jeuti ase aro tai ke 2019 saal te Jivan Silpi Adya Sarma Award nemite saman dishe. Tai para aro 30 documentary films aro televised programmes directed korikena ase. Ministry of external affairs para Barman ke 2012 saal te Object d’ Art Committee member te samil kori thishe. Assam chief minister Sarbananda Sonowal para film bona manuh mora oper tem on dhuk howa janai thishe. “besi nam tangor thaka film bona manuh aro artist Gauri Barman, mora nemite mon dhuk ase. Tai laga kam nemite Assamese cinema, art, aro culture te nam besi tangor thakishe. Ami laga parthana para jai jaa atmaa, ghor manuh aro sati khan logot shanty thakibe,” koikena Sonowal para koishe.
Add Comment