Barcelona: Santiago Bernabeu te Zibedine Zidane ke wapas aha sabole nimite 60,000 opor manu khan sabole ahishe. Hoile bhi kun bhi Francisco “Isco” Alarcon para bishi khushi thaka dekha nai.
Real Madrid laga purana coach dubara in charge luwa pichete Isco ke Real Madrid te tai laga career bhal banabole dubara moka paishe. Zidane para coaching para nou moina dur thaka samay Isco toh title jeetiya para bishi dur hoi jaishele.
Santiago Solari toh Real Madrid laga coach thaka samay te Isco toh bishi matches toh stands para he dekhibole lagishe. Hoile bhi Zidane dubara back in-charge huwa pichete Isco bhi wapas khelibole form te ahishe. Isco toh Saturday laga match te suruwat laga goal toh tai para dishe. Real Madrid toh Celta Vigo khilaf te 2-0 para jeetishe. Solari toh Real Madrid laga coach thaka samay te Madrid toh char bar lagatar home matches harishe.
Add Comment