Mumbai: Indian Super League te Bengaluru FC skipper Sunil Chhetri toh tai laga team ke FC Goa khilaf te jeeti kena Indian Super League tho jeeti loishe. Bengaluru FC toh jua season laga final match toh Chennaiyin FC khilaf te harishe.
Match laga extra-samay laga match jeetai dibole laga header nimite Bengaluru toh FC Goa ke 1-0 para harai dibole parishe. Etu goal toh Bengaluru FC laga player Rahul Bheke para marishe. Bengaluru tho jua season laga ISL final toh Chennaiyin FC khilaf te harishe.
Chhetri koishe jua saal final pichete moi koishe ahi khan aha saal final te ahibo. Aro etu tho ami khan laga ball boy para loi kena ami khan lag coach Carles Cuadrat aro sob bhi etu bisas kuri thakishe. Ami khan ISL jeetibole toh bishi biya para lagi thaishe. Chhetri para etu kotha toh Sunday rati te match pichete media conference te koishe.
Etiya Bengaluru FC toh ISL jeeta pichete tai khan aha saal AFC Asian Cup te khelibole ase.
Jeetiya team laga coach Carles Cuadrat koishe ke tai khan toh game toh penalty te para tok loi najabole kosis kurishe. Kile koile judi game toh penalty te jaile toh game toh kun bhi jeetibole hoi jabole thakishe.
Add Comment