Milan: Sunday din te Cristiano Ronaldo ke aram kuribole dishe aro Juventus toh tai khan laga sob para poila Serie A har lok paishe. Sunday din te Juventus toh Genoa khilaf te harishe. Sunday din laga dusra match te Inter toh Milan derby match te 3-2 para AC Milan khilaf te jeetishe.
Jua Tuesday te Ronaldo para Juventus ke European quarter-finals te pungchibole modot kurishe. Juventus toh Atletico Madrid khilaf Champions League 2nd leg match te 3-0 para jeeti kena quarter-finals te pungchibole parishe.
Ronaldo nathaka samay te Juventus toh Geoa khilaf te 0-2 para harishe. Hoile bhi hara pichete bhi Juventus toh ekdam aram para jeet laga rasta te ase. Juventus toh etu bar bhi League title jeetile toh etu tai khan laga eight league title hubole ase.
Juventus tho Seia A te tai khan laga jua 27 matches te 24 matches jeetishe. Aro teenta match draw hoishe.
Add Comment