Sports

Kohima College te Inter Govt College Olympic 2019 lobo

April 25, 2019

Kohima College, Kohima khan  May 2 para  May 4, 2019 tak Inter Government College Olympic 2019 lobole ase.Khobor hisaab te etu event laga theme toh ‘Bridging the Gaps’ thakibo.

Etu Inter Government College Olympic 2019, toh  Higher Education department of Nagaland, para lobole ase .Aro etu Olympics toh  Kohima College, Kohima te lobole ase.

Nagaland higher & technical education minister   cheif guest hoikena etu inaugural function te ahibole ase .Etu event  laga welcome address toh  , convenor, planning committee & additional director para dibo.

Aro Dinesh Kumar, commissioner & secretary, higher & technical education, Nagaland para gathering te kotha khan kuribo .Etu event laga oath toh Er. Hotovi Ayemi, member, planning committee & Nagaland Olympic Association official para kuribo .

Etu programme toh  Sunjeminla para sabo . Etu shuru huwa din  6:30 am te 13 government colleges khan Olympic race te bhaagh lobo.Etu Olympic race toh Old MLA Hostel Junction para  Kohima College tak thakibo.

Etu inaugural programme toh Thinuokhrienuo Tseikhanuo, principal in-charge of Kohima College, Kohima, para chair kuribo  aro Dr Neikiesalie Nicky Kire, advisor to rural development department, Nagaland para flagged off kuribo .

Etu Olympic te bhaagh luwa colleges laga naam toh  Dimapur Government College; FazI Ali College; Kohima College, Kohima; Kohima Science College; Mount Tiyi College; Peren Government College; Pfutsero Government College; Phek Government College; Sao Chang College; Wangkhao Government College; Yingli College; Zisaji Presidency College aro Zunheboto Government College ase .

Etu event te athletic tracks and fields: 100 Metre Race, 200 Metre Race, 400 Metre Race, 800 Metre Race, 1500 Metre Race, 3000 Metre Race, Relay Race, Javelin, Discus, Shot Pot, High Jump aro  Long Jump thakibo .outdoor event te Football aro Volleyball aro Indoor games Badminton aro Table Tennis thakibo .Etu event laga second din te musical night thakibo aro etu event toh  :30 pm para  8 pm tak  Kohima College te lobo.

Etu musicle nite deh Bollywood singer Sonu Nigam bi ganaa gabole ase.. Dr. Anungla Aier, director of higher education, Nagaland  para welcome address dibo aro Nagaland governor P.B. Acharya  guest of honour thakibo.Etu event toh May 4 te khotom kuribo.

.