Kohima, 24 April: Koinonia Baptist Church laga initiative te Revival Crusade (inter-denominational) toh first phase te 21st April 2020 te PWD junction Kohima jaga te suru kora thakise. Etu toh December 2022 te 25 saal laga jubilee theme ‘Proclaim the year of the Lord’ under te manibole laga te mani kena loise.
Service te H RokopraMekro, Assistant Pastor, Koinonia Prayer Centre para led kroa thakise, special praise Rubies of Koinonia Baptist Church Youth para, praise and worship Koinonia Prayer Centre worship team para led kora thakise. Testimony toh ekta convert, Bindhu Prasad para share kora thakise. Tai para judi manu khan Nagaland te khali business nemite ahishe aro Jesus Christ Ke mana nai koile, tai laga life’s business te besi loss hobole ase koise.
Speaker toh Medotseilieű Kiewhuo, Pastor, Koinonia Baptist Church thakise. Tai para Isor laga word logote jama howa khan ke kowa thakise. Tai para human beigns hoi kena, ami khan ke bemari, family dekthari aro jevaan te alak alak dekthari para thakibo koise. Hoilebe Holy Spirit toh etu sob te biswas/faith logote bear koribole aro empower koribole potha thakise koise aro kon ke Holy Spirit pai tai ke dagot/strengthened hobo aro jevaan laga tests te lok koribole empowered hobo koise.
Healing prayers be lowa thakise. Program te be PWD youth wing & Colony Councils para volunteer khan para motob kora thakise.
22nd April 2022 te, revival toh Poterlane, Near public school te lowa thakise. Service toh KhriezovolieSuokhrie para led kora thakise aro testimony toh Vizosul Sachű para share kora thakise. Tai modu addictions para phal howa aro tai laga chokari bacha ke Isor lok powa bechite cancer para phal opor te kowa thakise.
Special praises toh Oasis of Koinonia Youth Department para present kora thakise. Speaker toh RokopraMekro, Assistant Pastor, koinonia Prayer Centre thakise. Tai Isor laga message toh Luke 8:18 para share kora thakise. Tai para pride/pothani logote, ami khan Isor logote eku sumbaan bonabole napari koise aro khali humility/humble para hobo koise.
Tai para be apuni toh sob sins/paabh aro bondages para free hobo koise aro aji be Isor toh Tai laga kaam fulfil koribole nemite apuni ke laki ase koise, koise.
Crusade toh July 2022 tak Thursdays aro Fridays te joli thakibo aro etu toh saam 5:00pm te sob manu khan ahibole aro worship koribole khula thakibo koise.
Add Comment