October 28, 2020. Actor Sushant Singh Rajput mora oper te aro dosura drug cases Bollywood industry te olaishe. Bollywood celebrities neshina Deepika Padukone, Sara Ali Khan, Sharddha Kapoor aro tai khan laga managers khan ke Narcotics Control Bureau para sawal korishe. Etu cases te agency para Deepika laga manager Karishma Prakash ghor te drugs thurishe. Aha kali NCB para sawal koribo nemite Karishma Prakash ke matishe. Karishma ke lok nakora nemite NCB para summon notice toh tai laga ghor doorja te raki thishe. Olop din agae te drugs beka manuh khan para Karishma nam be loikena ase, etu nemite tai laga ghor check kora ase. Karishma ghor para 1.8 grams neshina charas paishe. Jaa moina anti-drugs agency para tai logot sawal korikena ase. Drugs case oper te actress Rhea Chakraborty ari tai laga bhai Showik ke thurishe, hoilebi, Bombay High Court para bail thishe. Tuesday din te officials para kowa toh, NCB para drug beka manuh ekta ke thurishe aro tai hath te cocaine aro cannabis paishe. Etu manuh toh South African drug supplier Agisialos Demetriades logot melikena ase koishe.
Add Comment