New Delhi: October 29, 2020. Popular film editor aro producer Anil Naidu morishe. Tai laga sati khan para social media te saman dishe. Anil Naidu para Amitabh Bachchan laga co-producer logot film Paa aro Akshay Kumar laga film films ‘Mission Mangal’ aro ‘Padman’ te kam korikena ahishe. Tai, Wednesday sham te morishe. Filmmaker Anubhav Sinha para lekishe ke, “sati Anil Naidu, bhal para jabi. Besi mon tangor manuh ase” RJ Alok para lekishe, “apuni besi jolti jaishe! Asorit ase!! Mon besi beya hoishe.. Om Shanti”. Legendary cinematographer PC Sreeram para be lekishe ke, “#RestInPeace jaishe, hoilebi, ami tui ke hotai yaat thakibo. Atmaa shanty thakibe#RBalki #Gowrishinde”. Ketai, R Balki ato tai laha maiki para production house ‘Hope Production’ kolishe, Anil Naidu ke be loikena anishe. Tai laga jevan toh video editor para soru hoishe aro tai para desh laga popular advertising films sob bonai thakishe. Hope Productions te, Anil para kam kora toh ‘English Vinglish’, ‘Shamitabh’, ‘Dear Zindagi’, ‘Ki aro Ka’, ‘Padman’ aro ‘Mission Mangal’. Tai, advertising world te besi saal kam kora beche, Anil Naidu feature films te jaishe aro tai laga kam nemite manuh khan tai logot besi kushi thakishe. Tai toh film bona manuh be korishe aro tai laga pithor te kam kora khan logot hotai din kam kotom kora beche salary thi thakishe. Commercial films ekla nahoikena, Anil para Amitabh Bachchan laga film ‘Paa’ te be kam korishe koishe.
Add Comment