Guwahati, February 12 : Northeast Frontier Railway (NF Railway) laga Railway Protection Force (RPF) para Tuesday (February 6) aro Thursday (February 8) majotey NF railway laga under te thaka railway station te checking aro drives khan kora homoitey 6jun minor(18 years under te thaka baccha) aro duijun maiki ke dhurisey.
Etu saal laga January moina te, NF Railway laga RPF para purapuri 41 minor aro 6jun maiki ke bachaisey. Kuntu te duijun manu khan ke bika laga dhanda kora manu arrest hoisey.
Bachaidiya baccha aro maiki khan ke picheyte Non-Governmental Organisations (NGOs), ama baab aro Government Railway Police (GRP) laga haath te didisey.
Wednesday(February 07) te huwa ekta ghotna te, RPF khan para Assam laga Sonitpur district laga Rangapara North Junction railway station para duijun ghor para polaija minor ke ekjun maiki logotey dhurisey.
Tuesday din te Assam laga New Bongaigaon junction railway station aro Tripura laga Dharmanagar railway station te checking kora homoitey, duijun minor ke rescue kurisey.
Thursday din te RPF para Assam laga Nagaon district te thaka Chaparmukh junction para ekjun polaikina thaka maiki ke rescue kurisey.
Train aro Railway station te pa baccha khan ke dhyan rakhibole aro raksa kuribole laga jarurat thakisey koiley action lobole nimitey preventive kadam uthai asey.
RPF para railway passenger khan laga raksa nimitey nurukhikina lagatar fight kuri asey. Aro manu khan ke bikri kora laga dhanda te shamil thaka manu khan para satark hoikina thaki asey. Aro baccha khan shak koraidiya hisap te aha juwa kora aro guardian nathakikina ekla bera khan nimitey bi satark hoikina thaki asey.
Add Comment