Oscar laka chamila biche te will smith ke Mumbai airport te tikhishe.

New Delhi |April 23, 2022: Hollywood star Will Smith, Oscar 2022 march  te  comedian chris rock ke thabar mara biche, te Mumbai Kalina airport te tikhishe. Photo te tikhia toh hoile, tai airport te, kari para nami kena tai laka host ke kotha koi kena tikhishe. Tai kile, india te kile ahishe, etu toh etya tak najane, hoilebi tai ahia toh Isha foundation spiritual  leader Sadhguru logot lok babole ahia hoba barae, koishe reporters khan para. Kile koile will smith toh tai nijor ke Sadhguru laka follower ase koi.  Jao moina toh hoile smith para toh oscar te presenter comedian  chris arock ke stage te thabar mari kena, oscar te  ahi kena thaka audience aro live event sai thaka manu kahn sob helai (shocked) kuri tishe. Smith para thabar mara toh hoile  Chris para  smith maiki jada pinkett laka nam loi kena stage te  thamali kura nemete  thakishe. Rock para jada ke koishe ke, “G.I Jane 2 can’t wait to see it.” “G.I jane2  ke sabole rukhi ase” koishe. 1997 te G.I jane koi kena war laka drama thakishe, aro tate Demi moore para first female Navy seal laka role play kure, aro tate tai matha takaloo (shaved) kuri kena olai. Jada pinkett toh alopecia bimar thaka nemete tai lak matha te juli thaka nai, etu chris para, G.I jane laka joke to koishe.  Will smith toh chris ke thabar mara biche te, tai tai laka movie KING Richard  karne award paishe, award speech tia somoy bi tai maab mangishe, aro biche te social media tebi tai apologise kurishe. Tai lak thabar mara nemete tai ke Academy para 10 years karne oscar te Ban kurishe.