Spanish khelari Carlos Alcaraz para home crowd khe hilai dishe tai laka khela dikhaina aro top-seed Stefanos Tsitsipas khe haraishe tintah set teh aro semifinals teh jaboleh huishe Barcelona Open teh.
Alcaraz quarterfinal toh 6-4, 5-7, 6-2 teh jetishe fifth-ranked Greek five times lokot khelina outdoor clay court Rafael nadal laka naam teh dina thaka.
18 saal Alcaraz tai laka third title paboleh sai ase tai Rio de Janerio teh Febraury moina teh jetishe aro Miami tehbi jetishe etu moinah.
Alcaraz etu tia laka dangor jeet clay teh thaka ase kuishe.
Tsitsipas dukh huina thakishe Alcaraz laka point 4-1 khetaina. Tai jawan chokra khe khetai she hoilehbi Alcaraz para third set teh jeti jaishe.
Alcaraz ranked 11, guarantee huishe top 10 men’s ranking teh ponchiboleh. Alcaraz etia Alex de Minuar lokot khelibo, Australian para fourth seed Cameron Norrie khe 6-3, 5-7, 6-1 teh harai piche.
Tsitsipas joa haptah teh Monet Carlo jetishe, tai second straight final paboleh kheli thakishe Barcelona teh. Hoilehbi etia tai laka record Alcaraz lokot 0-3 huishe.
Aro alaka khela teh Pablo Carreno para Diego Schwartzman lokot khelibo. Carreno para tintah match points rokhaishe aro second seeded Casper Ruud khe 4-6 7-6 6-3 teh harishe tin ghantah khela teh.
Schwartzman wapas ahina third seeded Felix-Aliassime khe 3-6, 6-2, 6-3 teh haraishe.
Add Comment