Tennis world Wimbledon teh kotha namilehna ase Russian aro Belarusian khe ban kura karneh.

Purana tennis khelari khan aro tai laka member bodies ATP aro WTA khan nishena milehna Wimbledon laka hokom Russia aro Belarus khe ban kurina thaka Ukraine lokot jakara kura karneh khilaf jaishe.

Ukraine lokot jakara kureh karneh sporting bodies khan Russian aro Belarusian athletes aro organizations khan khe bon kuri dishe.

Etu athletes khan khe neutral flag teh compete kuriboleh dibolehbi mana kuri dishe sports bishe teh.

Chairman of All England Club Ian Hewitt kuishe, tai khan etu hokom khelrai khan khe dukh ponchai ase, aro mun dukh ase tai khan laka leader karneh duk pah karneh.

Etia thak Wimbledon eklah ase Grand Slam teh Russian aro Belarusina khelari khe bon kuriboleh. Top 100 teh 17 khelari, Russia nohoileh Belarusian ase, tateh Men’s world No.2 Daniil Medvedev aro Women’s World No.4 Arya Sabalenka bi ase.

French Open entry list teh khelari duitah country para bi ase. BBC kuishe, bodli kuribo pareh second round French presidential election piche. United States Tennis Association kuishe Wednesday teh eku kotha kureh nai khelari duitah country para khelibo dibo nanai. US Open toh New York teh khelibo August moina aro September moinah teh. ATP khan kuishe khelari duitah country para bi ahibo paribo tour-level tournaments teh tai khan neutral  luina khelishe kuileh kuishe.

Russia ar Belarus laka representitives khan  Wimbledon laka hokom teh khushi nathaka kuishe. Kremlin laka spokesperson Dmitry Peskov kuishe kara hokom dinah thaka tai laka nation opor aro khelari tennis duniya teh, Wimbledon tournament hi noksan hubo kuishe. Tai BBC sports khe kuishe athletes khan khe enika political  rastah karneh dukh deh toh biya ase kuishe.

Belarusian Tennis Federation khan kuishe tai khan legal actionlubo Wimbledon orginsers opor teh khelari khan opor teh noksan deh karneh.

Association of Tennis Professionals (ATP) aro Women’s Tennis Association (WTA) khan Wimbledon laka hokom teh khushi thaka nai aro kuishe tai khan khelari duitah county laka opor teh thik kura nai. ATP kuishe etu hokom toh  game laka rastah biya kuribo. WTA khan be enika kuishe.