Stuttgart, 22 April : Jelena Ostapenko Monday din Porsche Grand Prix final te dangor surprise di, world No. 1 Aryna Sabalenka ke 6-4, 6-1 te haraise.
Ostapenko etu match jeetike Sabalenka ke pathom bar haraise charta bar face korar pichhite, aru etu bhi laga pathom clay-court title ase 2017 French Open pichhite.
Quarterfinals te Ostapenko world No. 2 Iga Swiatek ke bhi haraise, aru etu jeet se laga total nawta career title banai dise.
Latvian player Ostapenko Sabalenka laga serve chhoy bar break kurise, juntu te duita break to pathom set te hee thakise.
Dusra set te Sabalenka khali 10ta point jeetipare aru serve te khali 5ta point lobo parise. Ostapenko pura power se game jeeti lobi, aru ekta zor se diya forehand return pora match finish kurise.
Sabalenka to Stuttgart te etiya logot charta final hari jaise.
Add Comment