JOHANNESBURG:Jua kali South African regulators para television advert ban kurishe. Advert te black manu para foreign mati discover kurishe aro etu mati ke “Europe” naam dishe koishe. South African regulators koishe colonization toh humorous exploitation nimite nohoi.
Advert toh chicken restaurant chain nimite thakishe. Etu advert laga story hesab te mota ekta South Africa 1650 te chare, tai bishi ocean par kurishe, bishi adventure pichete ocean osor te punchi. Etu island te tai buga local manu khan lok pai. Aro tai etu buga manu thaka jaga ke Europe naam de.
Advertising Regulatory Board koishe commercial para issue laga importance toh harai de. Etu toh bishi South African manu khan laga mon jokom kurishe.
Colonization laga asol kahani toh ghurai deya toh funny bhi hubo pare. Hoile bhi Africa laga colonization laga asol kahani toh bishi monduk laga ase.
African colonisation laga legacy toh sensitive aro divisive topic ase. Etu toh dhamali nimite nohoi.
Advertising Regulatory Board koishe Africans toh colonization nimite jaga toh voluntarily chara nai. Bissi bar toh African khan bhuk para aro inhuman conditions para murishe.
Fast-food chain, Chicken Licken, koishe tai khan laga advert toh “tongue-in-cheek” tale opor te thakishe aro kinika “Big John” burger tai laga naam paishe.
Etu advert toh colonization laga struggle ke mock kuribole thaka nai.
Add Comment