Agencies, 05 January: Top ranked tennis players Novak Djokovic aro Rafael Nadal toh ahibole 2021 ATP Cup scheduled te lead koribole ase. ATP Cup toh February 1 para 5 direk tak Melbourne Park te lobole ase.
ATP media release hisab te, 12-team competition te Djokovic’s Serbia aro Nadal’s Spain toh Austria, Russia, Greece, Germany, Argentina, Italy, Japan, France, Canada and Australia kelaaf te lok kora thakibole ase.
Tournament laga qualification toh desh laga top ranked single player laga ATP ranking hisab te ase aro Australia toh host wildcard para qualify para advantage ase.
ATP Cup Tournament Director Tom Larner para jowa sal tai khan global tennis season toh ATP Cup inaugural logote suru kora thakise koise. Etu toh players aro fans te ektum dangor kamiyaab howa thakise aro 2021 Melbourne te second edition present koribole ektum kushi ase koise.
Tai para be players toh step up koribole aro tai khan laga desh nemite arobe represent koribole echa ase koise. Defending champions Serbia aro finalists Spain toh gara ase. Etu para players laga passion toh dekhae aro olob shaa tennis action toh dekhibole bhabona ase koise.
2021 ATP Cup te 15 players laga 14 toh ATP ranking te feature thakibo koise. Each team te jarta player toh ekta desh para thakibo.
Reigning Nitto ATP Finals champion Daniil Medvedev para Russia’s team te head korikena aro top 10 star Andrey Rublev, aro world number three Dominic Thiem toh kamiyaab hobole kosish kora thakibo. Othi thaka star Alex de Minaur toh arobe Australia nemite lead kora thakibo.
2021 ATP Cup nemite draw toh January 20 te lobo aro etu samai te 12 teams toh tinta laga jarta groups te group stage, round-robin play nemite alak korideya thakibo. Jarta group jeta toh semi-finals nemite agae jaa thakibo.
2020 te inaugural ATP Cup toh Brisbane, Perth aro Sydney te khela thakise aro Serbia para Spain kelaaf 2-1 para jeta thakise.
Covid-19 pandemic nemite etu sal major tennis events toh Melbourne te lobo.
Add Comment