Lionel Messi asorit kitia Police para Argentina Fans ke khuri para marishey

Maracana, 22 November : World Champions Argentina para rival Brazil ke 1-0 haraishey ekta biya gusaa World Cup qualifier dey Maracana Rio de Janeiro dey. Kick-off toh 30 minutes nishina deri huishey Tuesday dey Brazil aro Argentina supporters maju dey clash hua piche dey. Bishi rukhi thakia clash South American football laga tuita superpowers maju dey, itu toh deri huishey kick off karbey 9.30pm local time (00:30 GMT Wednesday) dey huilewi stands dey diktari thakia karoney rukhai dishey. Argentina goalkeeper Emiliano Martinez toh buhia jagah dey ghusiwoley kosis kurishey ekta stage dey ekta khuri dhurina thakia Brazilian police officer ke confront kuriboley.

Kunwa Argentina khiladi khan itu disturbances laga osor dey jaishey shaandi rakhiwoley plead kuriboley kosis dey, captain Lionel Messi para tai laga teammates ke tunnel pitor dey lui najaa agey dey.

“Muikhan nakhiliwo, muikhan jai asey,” Messi para kua hunishey pitch charina jai thakia homoi.

Messi toh ekta muuk laga jagarah dey milaina thakishey Brazil winger Rodrygo Goes logot kun para itu Argentina khiladi khan ke “cowards” asey kuina kuishey.

Three Brazil khiladi khan first-half pitor dey booked thakishey, Joelinton ke ekta seetha red card off nadia agey dey ekta off-the-ball clash karney Argentina midfielder Rodrigo De Paul logot, tai laga 0-1 thakina.

Argentina para 63rd minute dey lead luishey defender Nicolas Otamendi toh Giovani Lo Celso laga cross para ghor jaa piche dey ekta corner para.

Messi para piche dey samjaishey ki tai para tai laga team-mates ke field laga bahar lui jaishey atmosphere ke dhanda kuri diwoley kosis dey.

“Muikhan locker room dey jaishey sob cheez khan olob shandi kuri diwoley. Muikhan jaina muikhan laga khantan aro osor manu khan kinika kuri asey saishey. Aro muikhan wapis ahishey,” kuishey Messi match piche dey.

Itu jeet toh Argentina laga agey ekta World Cup qualifier dey Brazilian maati dey.

Kitia, itu haar para five-par champions Brazil ke sixth place dey charishey seven points logot six khel para.

Brazil aro Argentina khel dey wapis ahishey haar laga piche dey Colombia (2-1) aro Uruguay (2-0) laga khilaf.