Madrid, 25 April : Madrid Open defend kora champion Iga Swiatek Thursday din ekta tough match te teenager star Alexandra Eala ke 4-6, 6-4, 6-2 te harai digoi Spanish capital te third round reach korise.
19 saal umr laga Filipina player Eala, juntu March mahina te Miami Open semi-final te jabo para ekta dangor surprise dikhai Swiatek ke straight sets te harai thakise, Madrid te bhi first set jeet lobo parise, jitia world number two Swiatek struggle kori thakise.
Season tu Swiatek karone itiya bishi bhal na jabo thakile bhi, second set pora tai laga rhythm pai loi, third set te Eala ke easily dominate kori finish korise. Eala laga rank 72 thakile bhi tai Swiatek logot ekta strong fight dise.
Match shuru te Eala directly Swiatek laga serve break korise aru tai laga duita first service game te bisi pressure samna kori bhi bachaise, duita break point save kori. Sixth game te Eala ekta break point aru bachaise, aru pisot Swiatek ke love te break kori 5-2 lead loi jabo parise.
Clay court expert Swiatek ekta break recover korise, kintu Eala tai laga advantage serve kori complete korise, aru third set point te Swiatek laga backhand long jai thaka moment te first set capture korise.
First set te Swiatek matro ekta break point convert korise, jitia Eala duita break point fully utilize korise.
Second set te bhi Eala direct break loi shuru korise, kintu etu bar Swiatek immediately response dise. Eala 3-2 lead loi thakile bhi, Swiatek ekta break back loi tai laga level improve kori last te second set jeet loi jabo parise. Tenth game te Swiatek love te break kori match ke deciding set te loi jabo parise, aru third set tu tai pura dominate korise — second aru sixth game te break loi.
Eala ekbar break back kori, ekta match point bhi save korise jitia Swiatek laga backhand overcook hoise, kintu last te Eala laga backhand long jai, Swiatek jeet loi jabo parise.
Next round te Swiatek Czech player Linda Noskova logot face koribo.
Add Comment