AGARTALA | October 23, 2018: Monday rati te huwa ekta chamela te ekta bus gaari Tripura State Rifles (TSR) Jawans laga army juwans ke thurikena lui jaa time te Baramura Bankumari area te jhokom paishe .Olop akhe te khobor paa hisaab te etu bus toh komti hoilebi 30 ft niche girishe raasta laga side te.Etu te komti hoilebi 30 TSR Jawans khan biya pora jhokom paikena thakishe .Etu chamela toh juwa kali rati 10:30pm nishena te hoishe etu time te TSR Jawans khan Agartala te ahi thakishe Chattishgarh Assembly Election duty nimete Agartala Railway Station pora aji pujur .Police officials laga ekta team khan Fire Brigade laga team logote etu jaka te jaishe aro etu jhokom huwa jawans khan ke bachaise .Etia etu jhokom huwa sob jawans khan ke Jirania Hospital te luijaikena thakishe aro etu pichede tai khan ke Agartala laga G.B. Hospital te luijaishe . Chief Minister Biplab Kumar Deb Health Minister Sudip Roy Barman logote milikena juwa rati te G,B Hospital te jaikena TSR jawan khan kinika ase kotha kurishe .
Add Comment