ITANAGAR | January 10, 2019: Suspected spy army laga Indo-China border, Arunachal Pradesh te thakiya forward base te kam kora toh military authorities pora thorise, enika aji khobor dise.
Army pora khobor diya toh etu manu lagan am Nirmal Rai ase Tinsukia district laga Ambikapur village pora ase. October 2018 pora Rai toh Army laga saman othabo kam Arunachal Pradesh laga Anjaw te kori thakise.
Senior official pora koise ki Military intelligence pora etu manu toh sensitive military information Dubai te thakiya Pakistani handlers khan ke diya karne tai khan laga custody te loise. Tai Pakistani intelligence operatives logot Dubai te Burger Shop te kam kora samoy te log paise.
Official pora etu bi koise ki etu accused manu laga bhai bi army te kam kore.
Khobor laga hisab pora, Dubai te Pakistani handlers khan pora Rai ke lokai kena photo aro video lobo karne training dise. Rai toh etu bicche te Arunachal Pradesh te wapas bothaise, kile koile tai army te kam kori kena sensitive military information border bar kori kena dibo karne.
Authorities pora biwas ase ki tai information toh Whatsapp nisina social messaging applications aro video-calling programmes pora bothai thakise. Etu te line of actual control te infrastructure development laga crucial data; airfields; army units laga location aro deployment; artillery guns; bridges; aro Indian army units laga weapon profile laga information bi ase.
Etu toh army laga aadat ase ki local manu ke army laga horu kam khan kori bole forward posts te loi.
Senior army officer pora koise ki etu case toh local police logote register korise.
Add Comment