Miao, 16 January: Arunachal Pradesh laga Changlang District te konoba jowan college students khan pora Miao te January 15 pora 21 tak ek habta lamba Winter Carnival(mela) organize korise. Etu toh drug abuse karne fund raise koribo nimite ase.
Inter Collegiate Youth Association of Miao (ICYM), Miao laga college student laga umbrella pora jowan manu khan majote drug abuse kora logote te khilaf larai koribo koikena wada korise. Etu toh sports, gaming, dance battles aro musical bands nisina events pora loikena larai koribo. Etu karne fund raise koribole, youth pora Miao te January 15 pora 21 tak ek habta-lamba Winter Carnival(Mela) organize korise.
Etu Carnival laga inaugural function te Kamlung Mosang, Honourable Minister, Government of Arunachal Pradesh, thakise. Etu event khola saat, Minister pora youth ke enika event pora loikena region laga youth khan drug abuse pora charidibo karne kora toh besi khusi paise koise. “Kon toh jakka te drug abuse besi hoi tate biya kam bi besi hoi. Tweijun haat milai kena berai. Apuni juti drug logote khilaf kore, society laga crime logote bi kore”, Minister pora koise.
Besi government employess aro public leaders khan bi youth ke mon dangor koridibo nimite etu event te ahise. Mr. Gumja Nong Singpho, ekjun local public leader, pora tai nijor laga jeevan saki dise ki drugs pora ekjun manu laga jeevan kenika biya koriye aro bhal rasta te wapas ahibo karne kiman taan ase.
Jowan manu khan ke khusi koribo nimite mela te besi events thakise. Mr. Mangam Wangsu, ICYM laga President pora koise, “Moi khan mon koriye ki besi jowan manu khan ahi kena etu event te hisa lobo karne”.
Government laga aji kali laga khobor hisab te, sob jakka laga majote sobse biya pora drug pora affect howa toh Changlang district ase.Tate bhal pora samoy te sowa nai koile pura generation biya hoi jabo.
Add Comment