Headlines • Nagaland

Naga Students’ Union Bangalore Golden Jubilee manaishe

February 27, 2019
164 Views

Bangalore, United Theological College Campus jaga deh Naga Students’ Union Bangalore (NSUB) para Golden Jubilee Launch Event toh February 23 direk deh manaishe. Chief Guest toh Researve Bank of India laga General Manager Mr. Thotngam Jamang thakise. Event deh Axix Bank para co-sponsored deya ase.

Saam deh . Dr K H Reihe (Pastor, Poumai Naga Baptist Church Bangalore) para prathana korikena suru howah thakise. NSUB laga President Nuthipru Nienu para Chief Guest, pura North East States laga VIP’s, co-sponsors, ex officials of NSUB aro sob Pastors logode felicitate kora thakise. NSUB laga ex presidents khan logode Nuthipru Nienu para official website olaise. Etu website toh Mr Supongkiba Kichu para design korikena bona laga ase.

Chief Guest, NSUB Golden Jubilee laga Convener Mr. Bendang Yanger aro NSUB President para NSUB Logo motto “Building Resilience Beyond Challenges” toh olaishe.

Etu bechide NSUB Anthem “Red Light Passengers” para compose kora toh gaa thakise. Mr. I Zulu Jamir para compost kora ‘Bridge’ toh Mr. Sentilong para present korishe. Chief Guest para audience khan logode poila laga manu khan logode hotai yaat kuribole koise. Kelay koile tai khan para Banglore deh Naga manu nemide suru korikena rakha nemide.

Session toh hoile Mr. Ranglung Salie para solo gai kena kothom howah thakise. Etu bechide Mr Atoka Zhimomi para vote of thanks janaideya thakise aro Mr.Haigwateing Meru (Pastor,Zeme Christian Fellowship Bangalore) para benediction prathana kora thakise.

Ektum rokhi thaga second session toh cultural show para suru howah thakise. Etu time deh cultural folk song aro solo laga tribes competition  thakise. First prize toh Angami Students’ Union Bangalore loise. Etu bechide second toh Poumai Naga Students’ Union Bangalore para loise aro third toh Ao Kaketshir Telongjem Bangalore (Ao Students’ Union Bangalore) para loise.

Event deh guest artist toh Tangkhul community laga Miss Chonchon Varah thakise. Tai para stage tog ektum gorom korideya thakise.

Event deh solo category laga competition lowah para be crowd khan ektum gorom gorom hala korikena kushi powah thakise. Saam time debe khaa lowah saman khan toh bekha thakise.